Nakadawat og benepisyo sa Tulong Panghanapbuhay sa Ating Disadvantage/Displaced Workers kun TUPAD Program ang 2,386 beneficiaries nga mga Butuanon nga gipahigayon sa Agusan Del Norte Provincial Capitol, miaging Sabado. Mukabat sa kapin 14 million pesos ang kantidad sa gipang apud apod nga benepisyo. Gipaningkamutan ni Congressman Jose Aquino II ang sunod-sunod nga pagpatuman sa nagkadaiyang programa alang sa katawhang Butuanon uban sa suporta ni Mayor Ronnie Vicente Lagnada ug 86 Punong Barangay sa pagpanguna ni Liga President Gemma Tabada. Ang seremonya sa payout gipasiugdahan mismo ni Congressma Aquino uban sa mga kadagkuan sa DOLE caraga ug mga punong barangay. Kini ang ika-71 nga payout nga niabot na sa 72,521 ang mga Butuanong nakabenipisyo sa programa sa tabang sa national government pinaagi sa DOLE Caraga. Sumala pa ni Congressman Aquino nga daghan pa ang muabot nga ayuda alang sa ubang sektor.