Nakadawat sa financial assistance ang kapin sa duha ka libong mga pamilya nga nabiktima sa pagbahan sa dakbayan sa Butuan. Gipaningkamutan sa Congressmans office pinaagi ni Congressman Jose Aquino II uban sa Department of Social Welfare and Development Regional Office nga mahatagan og financial assistance ang mga residenteng Butuanon nga nabahaan gumikan sa makusog nga pagbundak sa ulan miaging bulan. Nakadawat ang 2,950 ka pamilya og tag 3,000 pesos. Sumala ni Congressman Aquino gihimo ang paghatag sa financial assistance sa mga nabahaan aron hinay-hinay kining makabangon bisan sa ginagmay nga paagi tungod sagad niini ubay-ubay na kabtangan ang nadamyos.