Midaug sa Mag Abayan Kita River Float Parade ang mga estudyante sa Los Angeles National High School atol sa natigayong Abayan Festival 2024 kagahapon. Gidawat sa mga estudyante sa Los Angeles National High School ang ilang plaque ug cash prize nga 80,000 pesos. Makita sa mga dekorasyon sa ilang pumpboat ang hulagway ni Mayor Ronnie Vicente Lagnada, mga mag-uuma, kapulisan, ug uban pa. Gawas niini, aduna sab ang hulagway sa mais ug bugas lakip na ang landmark sa syudad nga Saint Joseph Cathedral ug Macapagal Bridge. Ang Kabataang Alagad ng Sining LNHS-Sidlak mao sab ang nakadawat sa Most Colorful nga award. Second Place ang Bahandi nga may premyong 70,000 pesos ug sila pod ang nakadawat sa Most Thematic, gisundan dayon sa Hinang nga nahimong third place nga may premyong 60,000 pesos ug nakadawat og most Decorative Award. Samtang ang Alampat ug Baglit nakadawat og cash prize nga tag 40,000 pesos isip participation prize. Ang aktibidad gipahigayon aron ma showcase ang mga talento sa mga group artist sa syudad sa Butuan.