Gipahigayon ang 1st Quarter Joint Meeting sa City Peace and Order Council kon CPOC ug City Anti-Drug Abuse Council kon CADAC sa Almont Inland Hotel ning syudad, miaging semana. Gi presenta sa mga miyembro nga ahensya ug opisina kang Mayor Ronnie Vicente Lagnada ug sa council ang nagkadaiyang accomplishment ug plano aron makunhuran ang ihap sa mga nagagamit sa ginadiling druga ug krimen sa syudad. Buot ni Mayor Lagnada nga mahatagan sa halapad nga programa ang mga Persons Who Use Drugs kon PWUDs. Hugot ang himuong preventive ug pag edukar sa mga residente mahitungod na sa ginadiling druga. Kanunay sab ang istrikto nga drug testing nga gipahigayon sa lokal nga panggamhanan sa tanan empleyado. Buot sab ipaduso ni Mayor Lagnada ang kanunay nga istriktong drug testing sa mga establisamento sa syudad mapa pribado man kini o publiko. Sumala ni Mayor Lagnada nga pinaagi sa istriktong palisiya mo resulta kini sa pag kunhod sa ihap sa mga mogamit og druga. Aktibo karong ginabantayan ang sitwasyon sa estado sa kriminalidad, insurhensya, ug public safety sa syudad.