Mitambong ang mga kalalakihan sa aktibidad nga gi-andam sa City Population Office sa kasaulugan sa International Men's Day kagainang buntag sa Barangay Doongan Covered Court. Gisugdan kini sa usa ka motorkada nga nituyok sa syudad sa Butuan. Human sa motorkada aktibo nga nipartisipar sa zumba activity ang mga partisipante. Sa mensahe nga gihatag ni Konsehal Cherry May Busa gipasalamatan niya ang mga kalalakinhan tungod sa ilang papel sa pamilya ug sa komunidad. Alang kay Mr GAD Federation President Rey Poloyapoy nga taga Barangay Baan Km.3 daku iyang pasalamat nga gihatagan sila og usa ka adlaw nga kasaulugan sa tibouk kalibutan. Kini nagpamatoud nga gihatagan og pagtagad ang panginahanglanon sa mga kalalakihan. 24 ka Barangay sa syudad ang nitambong sa kasaulugan sa International Men's Day nga dunay temang Healthy Men, Healthy World.