Gisaulog ang International Day of Cooperatives nga gipahigayon sa Philippine Science High School-Caraga Region Campus Gymnasium, adlawng Sabado. Miabot sa kapin 400 ang nitambong sa pagsaulog sa International Day of Cooperatives nga gipangunahan sa City Cooperative and Development Office kauban ang Cooperative Development Authority ug Department of Trade and Industry nga gitambungan sa managlahing kooperatiba sa syudad sa Butuan. Sa mensahe nga gipaabot ni Konsehal Cromwell Nortega isip Committee Chairman sa Committee on People Participation and Cooperatives nga ang kasaulugan usa ka pamaagi para sa pagpadayon sa partnership tali sa kooperatiba ug gobyerno, lokal man o nasyonal nga lebel. "Every one of you here have been an important contributor in creating and sustaining employment and providing thousands of jobs. With your concern for your members and for the communities, you play on equal footing the need to help your members in earning and making profit. At the same time, you respond to the needs of communities,” pahayag ni Konsehal Cromwell Nortega. Atol sa aktibidad gidiskusyunan ang mga programa ug serbisyo nga mahatag sa mga managlahing ahensya nga pwedeng makabaton ang mga kooperatiba. Ang Lokal nga Panggamhanan sa Butuan pinaagi sa City Cooperative and Development Office naghatag og igong suporta sa mga kooperatiba para mapangusgan ang ilang nasugdan nga kooperatiba ug mapalambo pa kini.