Gibisita sa mga personahe sa Ampayon Health District Zone ang Ampayon National High School alang sa usa ka symposium, adlawng Biyernes. Gitambungan sa mga estudyante sa tunghaan ang natigayong symposium ug napahibalo kanila ang mahitungod sa Puberty, Male and Female Reproductive System, Menstrual Cycle, Smoking Cessation, STI, HIV/AIDS Awareness, Mental Health, ug Substance Abuse. Nagpahigayon usab ang mga personahe og assessment sa Home, Education/Employment, Eating, Activities, Drugs, Sexuality, Suicide/Depression, and Safety kon HEEADSS ug HIV Counseling and Testing. Ang Integrated Healthy Young Ones Symposium gihatag sa mga kabatan onan sa pagpanguna sa City Health Office. Pinaagi niini, mas daling mahatagan og edukasyon ang kabataan hilabi na sa hisgutanan sa panglawas. Mandato ni Mayor Ronnie Vicente Lagnada nga hingpit nga mahatagan ang mga kabataan sa syudad og halapad nga tsansa sa edukasyon hilabi na kung mahitungod sa maayo nga pag atiman sa kalawasan. Buot usab ni Mayor Lagnada mahibaluan sa tanan ang mga programa ug serbisyo nga mamahimong makuha sa nasangpit nga sektor.