Gipang apuran og Insecticide Treated Curtains kon ITC sa City Health Department pinaagi sa Libertad Health District Zone ang mga eskwelahan sa mga barangay ilawom sa ilang distrito. Tungod sa padayon nga pagtaas sa kaso sa dengue kinahanglan ang mga interbensyon sa epektibong pag-target sa adult stage sa lamok aron mapataas ang options sa effective control niini. Naghatag og rolls sa treated curtains ang mga personahe sa Libertad Health District Zone sa mga eskwelahan hilabi na sa high-risk areas nga dunay taas nga kaso. Ang Insecticide-Treated Curtains kon ITCs, usa ka paagi aron significantly nga mapa gamay ang Ae. aegypti o lamok sa dengue. Ang nets magdugay hangtud upat o lima ka tuig ug kinahanglan dili kini basa-on apan ipagpag lamang. Sa pag install aning ITCs sa mga bintana ug pultahan ang mga lamok mamatay kong kini maka tugpa sa ITCs. Subay niini, gi manduan gihapon sa CHD ang matag eskwelahan nga kanunay nga mang hinlo aron walay mahimong breeding sites ang lamok nga nag dala og dengue.