Mitambong si Butuan City Vice Mayor Lawrence Fortun sa natigayong 2023 Caraga Regional Convention of the League of the Local Planning ug Development Coordinators of the Philippines Inc. sa Grand Palace Convention kagahapon. Kini subay sa temang “Better Planning for Sustainable Inclusive Growth and Increase Resiliencyof Cities and Minicipalities.” Gipahayag ni Vice Mayor Fortun isip representante ni Mayor Ronnie Vicente Lagnada nga batunan ang makuting pagplano sa tanang ipatumang programa sa gobyerno aron makuha ug makab-ot ang tukmang direksyon. Importante ang nasangpit nga kalihukan aron sa pagpalanog ug panaghiusa sa mga plano alang sa malungtaron nga kalambuan sa tibook rehiyon. Kauban ni Vice Mayor Fortun sa mga mitambong sa aktibidad ang mga ehikutibo sa kasikbit nga probinsya, syudad ug munisipyo uban sa tagsa-tagsang Planning officers sa rehiyon sa Caraga.