Nagtapok sa usa ka diskusyon ang City Social Welfare and Development Department kon CSWDD ug Department of Trade and Industry kon DTI para hisgutan ang pagplastar sa paghatag og diskwento sa mga palaliton para sa mga Senior Citizen ug mga Person With Disabilities kon PWDs. Gihisgutan ang mga insaktong pamaagi aron mas mahimong epektibo ang paghatag og diskwento sa mga Senior Citizen ug PWDs. Paningkamutan sa mga ahensya nga mas mapadali ug mapasayon ang proseso sa pag-avail sa diskwento. Gisiguro usab sa mga ahensya nga mapaklaro sa mga establisamento ang mga diskwento nga mamahimo nilang mahatag sa mga Senior Citizen ug PWDs. Mipahimangno sab ang CSWDD nga hugot na nilang bantayan ang paggamit ug pag berepika sa mga PWD IDs tungod sa paggawas sa balita nga dunay mga peke nga IDs nga ginagamit aron makakuha ug diskwento ug mipasalig sab sila nga kini bantayan ug tagaan og pansin. Sa mga dugang pangutana mamahimong mo message sa Facebook Page sa CSWDD.