Mapasigarbuhon nga gidawat sa mga lumulopyo sa Barangay Baan Km3 ning syudad ang gitunol nga 30 million pesos Infrastructure Project para sa barangay. Ang nasangpit nga infrastructure project gilangkuban sa pag konkreto sa dalan sa Alviola Village, Barangay Baan Km. 3, pagkonkreto sa dalan sa Purok 6 ug 7, Barangay Baan Km. 3 ug konstruksyon sa Multi-Purpose Building. Atol sa program, nahimung highlight usab ang pakigduyog sa mga High School Students sa Barangay Baan km3 nga gipasaligan ni Congressman Jose Aquino II nga makabaton og walkway gikan sa eskwelahan hangtud na sa sementong bahin sa dalan aron dili na maglisod ang mga estudyante labi na panahon sa ting ulan. Mapasalamaton si Liga President Gemma Tabada kang Congressman Aquino II ug sa tibook pwersa sa lokal nga panggamhanan sa Butuan pinaagi ni Mayor Ronnie Vicente Lagnada, SP members sa pagdumala ni Vice Mayor Lawrence Fortun nga nagkahiusa sa paghatag og daghan kalambuan sa Barangay Baan Km3.