Gisugat sa usa ka maanindot nga Opening Salvo sa piniling estudyante sa Bagong Silang National High School ang mga bisita sa selebrasyon sa Indigenous Peoples Month ug 27th Indigenous Peoples Right Act kun IPRA Commemoration sa Bagong Silang National High School barangay San Mateo ning syudad, kagahapon. Sa nasangpit nga selebrasyon nagtinabangay ang DepEd, IP group sa Barangay San Mateo, opisyales sa barangay San Mateo ug barangay Tungao ug City Tourism and Cultural Affairs Department sa LGU Butuan. Subay sa selebrasyon gilingaw sab ang mga bisita sa mga pa contest sa monologue, ethnic dance, beads making, banig making ug bukag making. Kini nga kalihukan usa sa pagpakita sa importansya, promosyon ug pagdayeg sa kultura ug katungod sa IP group sa bisan asa nga komunidad.