Gipahigayon ang inaugural workshop sa pagmugna sa masterplan alang sa Masao Logistics Special Economic Development Zone sa syudad sa Butuan sa Prince Hotel sa Barangay Imadejas ning syudad, miaging semana. Nagtinabangay ang City Planning and Development Department sa lokal nga panggamhanan sa Butuan uban sa Gawad Kalinga pinaagi ni Victor Emmanuel Ozarraga isip Chairperson sa Butuan City Development Council Institutional Sector. Katuyuan niini ang pagbaton sa malungtarong urban infrastructure development nga nakasentro sa nagkadaiyang industriya aron mahimong regional hub ug paspas makasulod ug gawas ang international logistics nga makasuporta sa ekonomiya sa Butuan ug rehiyon ug maghakot og trabaho ug panginabuhian sa mga Butuanon.