Nagpadayon ang konstruksyon sa pagpanindot sa access road nga dunay kanal sa Marcos Calo Street, gikan Corner Magsaysay Foot Bridge hangtud Corner Azote Street Barangay Urduja ning syudad sa Butuan nga gipatuman sa Department of Public Works and Highways-Butuan City District Engineering Office kun DPWH-BCDEO. Subay niini gipatuman usab ang temporaryong road closure sa nasangpit nga dapit asa molungtad hangtud Hunyo 15 ning tuig. Kini ilawom sa City Ordinance no. 6866- 2023 nga gipangunahan ang pagpangamahanan ni City Councilor Vincent Rizal Rosario uban sa kaubanang SP members sa syudad nga giaprobahan ni Vice Mayor Lawrence Fortun isip acting mayor sa syudad sa Butuan. Gihangyo usab ang pagsabot sa publiko gumikan sa nasinating trapiko ilabina panahon sa peak hours. Lauman nga daghan pang mga ipatumang road closure sa pipila ka dapit sa syudad sanglit gihingusgan ni Mayor Ronnie Vicente Lagnada nga padayong mapatuman ang improvement sa tanang access road with drainage. Kini alang sa pagpanindot sa kadalanan nga dili na mabahaan nga usa sa makahakot og investor sa syudad ug makapalambo sa ekonomiya. Kini nga proyekto nahimo sa pagtinabangay sa city government sa Butuan pinaagi sa City Engineers Office ug DPWH-BCDEO.