Gatusan ka estudyante gikan sa Grade 11 ug Grade 12 ang nitambong sa gipahigayon nga Mental Health Awareness Forum nga gipangunahan sa City Education and Development Department, miaging semana. Nahimong resource speaker si Edson Alejo, OIC sa Commission on Human Rights Promotion and Advocacy. Gipasabot niya ang importansya sa mental health sa tanang aspeto sa kinabuhi. Nahatagan sab og higayon ang mga estudyante nga makapangutana sa forum. Ang mental health awareness forum usa ka inisyatibo sa CEDD subay sa selebrasyon sa Linggo ng Kabataan aron mapalapdan ang impormasyon sa mga estudyante mahitungod na sa mental health awareness ug importansiya niini.