Niuli ug mibisita ni Atty. Angelo “Jijil” Jimenez sa iyang yutang natawhan, ang Butuan City. Kagahapon sa buntag gipahigayon ang Pledge to the People ni Atty. Jimenez sa Mahayahay Elementary School nga gipangalagadan ni Barangay Captain Antonio Masamayor sa Barangay Anticala. Sumala ni Atty. Jimenez ang iyang pag uli sa Butuan isip pagbalik tan-aw kung asa siya gikan ingon man pagsusi kung sa unsang paagi siya makatabang labina sa mga nanimuyo sa kabukiran. Gisundan ang kalihukan sa usa ka Thanksgiving Mass sa St. Joseph Cathedral. Gisalmutan kini Butuan City Mayor Ronnie Vicente Lagnada ug ni Vice Mayor Lawrence Fortun kauban ang tibuok pwersa sa Sangguniang Panlungsod. Sa misa gipasalamatan niini ug sa mga taga Butuan ang higayon nga siya napili isip ika-22nd nga Presidente sa University of the Philippines. Gidayeg sab sa Sangguniang Panlungsod pinaagi sa SP Resolution No. 053-2023 o ang Expressing Warmest Congratulations to Atty. Angelo “Jijil”Azura Jimenez sa pagkapili niini isip ika-22 nga Presidente sa University of the Philippines. Nagpasalamat sab si Atty. Jimenez sa suporta ug mga pag ampo alang kaniya. Ang kalampusan ni Atty. Jimenez inspirasyon sa Dakbayan sa Butuan ug sa mga Butuanon.