𝗜𝗞𝗔-𝟭𝟮𝟴𝘁𝗵 𝗥𝗜𝗭𝗔𝗟 𝗗𝗔𝗬, 𝗚𝗜𝗛𝗜𝗡𝗨𝗠𝗗𝗨𝗠
January 06 2025, Monday 09:04 AM
“Ang araw ni Rizal ay isang paalala sa kapangyarihan ng edukasyon, tapang at pagmamahal sa sariling bayan. Sa pamamagitan ng kanyang mga akda at adhikain hinimok niya ang mga Pilipino na kilalanin ang kanilang sariling dangal at karapatan. Ipinaglaban niya hindi lamang ang kalayaan mula sa pananakop kundi pati na ang pag angat sa kahirapan, kamangmangan at hindi pagkapantay-pantay.”
Kini ang mensahe ni City Vice Mayor Lawrence Lemuel Fortun isip representante ni City Mayor Ronnie Vicente Lagnada atol sa paghandum sa ika-128th Rizal Day nga gipahigayon sa Guingona Park, kagainang buntag.
Naghalad sab og bulak ang mga opisyal sa lokal nga panggamhanan sa Butuan sa pagpanguna ni City Vice Mayor Fortun kauban si Col. Adolfo Espuelas Jr., Brigade Commander 402nd Brigade, 4ID, PA atubangan sa monumento ni Dr. Jose Rizal.
Aduna sab gipahigayon nga pasidungog alang kang Dr. Jose Rizal nga gipangunahan sa Agusan Valley Masonic Lodge No. 160 Free & Accepted Masons of the Philippines sa pagpanguna ni Worshipful Master Reynante Sibayton.
Gawas niini, gipakita sab sa Hugis Dance Project pinaagi sa usa ka sayaw ang kinabuhi ni Dr. Jose Rizal nga nahimong inspirasyon sa mga kabataan karon.
Tema karong tuiga "Rizal sa Bagong Pilipinas: Buhay at Aral Aming Nilalandas," nga naka focus sa mga paagi kung gi unsa sa henerasyon karon ang pagpakita sa dili matarug nga patriyotismo ni Rizal sa iyang yutang natawhan.
Matag Disyembre 30 kada tuig ginasaulog ang kamatayon ni Dr. Jose Rizal nga usa ka bayani sa nasud tungod sa kontribusyon niini aron makab-ot ang kagawasan nga natagamtaman sa katawhan karon pinaagi sa iyang mga sulat.
Nanghinaot ang LGU Butuan sa pagpanguna ni City Mayor Ronnie Vicente Lagnada nga dumdumon sa tanan ang gibuhat nga sakripisyo ni Rizal ug sa uban pang bayani para dili masayang ang gibuhat nila para sa nasud.
NEWS ARTICLES