Niapil sa ikaduhang higayon ang Lokal nga Panggamhanan sa Butuan sa gipahigayon nga National Simultaneous Earthquake Drill kun NSED kagainang buntag. Daling nag duck, cover and hold ang mga empleyado ug mga kliyente dihang nakadungog sa alarm sa City Hall Building. Human sa alarm hinay-hinay nga ninaug ang mga empleyado ug mga kliyente padulong sa gawas sa building. Ang sitwasyon dunay nahitabong linog nga may 7.5 magnitude ug dunay unom ka biktima nga angay irescue. Ang Search and Rescue Team gilangkuban sa first aid, marshal, safety officer/ground maintenance, ug triage officer nga mo rescue sa unom ka biktima. Human sa drill, gi-evaluate dayon sa City Disaster Risk Reduction and Management Office kun CDRRMO ang kinatibuk-an nga nahitabo sa NSED. Base sa ebalwasyon, dunay nakit ang improvement sa evacuation ug security kung ikumpara sa 1st quarter NSED. Plano karon sa CDRRMO nga ipailawom ang team sa mga dugang pang mga trainings aron mabansay pa ang kapasidad sa pagrescue dili lang sa mga insidente sama sa linog apan lakip na sab sa pang adlaw-adlaw. Hangyo ni CDRRMO Acting Head Mark July Yap nga mahimong seryoso sa pag apil sa earthquake drill tungod ang linog unpredictable, dili masayran kung asa ug kanus-a mahitabo. Sa kinatibuk-an gidayeg sa CDRRMO ang team tungod nahimong malampuson ang aktibidad ug duna silay nakat-onan.