𝗜𝗞𝗔𝗗𝗨𝗛𝗔𝗡𝗚 𝗛𝗨𝗚𝗡𝗔 𝗦𝗔 𝗘𝗗𝗨-𝗔𝗖𝗧𝗜𝗢𝗡 𝗡𝗜 𝗠𝗨𝗧𝗬𝗔 𝗛𝗢𝗡𝗚 𝗕𝗨𝗧𝗨𝗔𝗡 𝟮𝟬𝟮𝟯 𝗦𝗛𝗔𝗬𝗡𝗘 𝗞𝗛𝗜𝗘𝗧𝗟𝗬 𝗠𝗘𝗟𝗟𝗜𝗝𝗢𝗥, 𝗡𝗔𝗚𝗠𝗔𝗟𝗔𝗠𝗣𝗨𝗦𝗢𝗡
April 23 2024, Tuesday 02:56 PM
"I am here as a testament today to show you guys that we women, Mutya man o dili can do something for our purpose. They were my core purpose, the children, and my advocacy called Edu-Action. So when I won and crowned Mutya Hong Butuan 2023, I did everything I could to make this advocacy come to life. So, as they say "A Queen must Walk the Talk'' dili lang ta pwede nga istorya lang we must also walk it and show it to people and execute it" Sumala ni Mutya Hong Butuan 2023 Shayne Khietly Mellijor.
Malampusong nahuman ang ikaduhang hugna sa Edu-Action nga adbokasiya ni Mutya Hong Butuan 2023 Shayne Khietly Mellijor sa Tud-ol Elementary School sa Barangay Tungao ning syudad.
Otsentay kwatro ka mga estudyante sa nasangpit nga tunghaan ang naserbisyohan ug natabangan sa Edu-Action.
Uban ni Mutya Shayne ang mga student leaders ug Psychology Student Volunteers sa Father Saturnino Urios University.
Gani, minghatag sila og Loot Bags, Lunch Boxes, Snacks, ug School Supplies.
Isip pagpakita og pasalamat, nagpakitang gilas sa ilang performance sa Traditional Dance ang mga estudyante sa Tud-ol Elementary School.
Minghatag sab og lingaw sa mga kabataan ang Story Telling ni Richard Dian Vilar, Hepe sa CTCAD ug ang padula gikan sa mga volunteers.
Anaa usab si Dr. Marjorie Bautista sa I.Smile Dental Clinic uban ang mga personahe niini para na sa pagpang hatag og dental kits lakip na ang pagtudlo sa insakto nga pag toothbrush ngadto na sa mga bata.
Labing gikalipay ni Mutya Shayne kauban ang mga volunteers ug sponsors sa malampusong aktibidad tungod nakita nila ang kalipay sa mga kabataan sa ilang nadawatan.
Ang adbokasiya nag tumong nga mapaabot ang mga tabang sa mga kabataan sa hilit nga lugar sa syudad ug mapasabot kanila ang ka importante sa edukasyon.
Kauban sa aktibidad ang LGU Butuan pinaagi sa City Tourism and Cultural Affairs Department ug Public Information Division, Department of Education - Butuan City Division, I.smile Dental Clinic, Psychology Student Volunteers sa Father Saturnino Urios University, Student Leaders sa Agusan National High School, Mutya Hong Butuan Ambassadors, Ramises Corporation, Mellijor ug Conde Family, Richeese Wafer Philippines, ,mga mag tutudlo sa Tud-ol Elementary School, City General Services Department, ug mga ginikanan sa mga bata nga misuporta sa aktibidad.
NEWS ARTICLES