Malampuson nga napahigayon ang usa ka bulan nga kasaulugan sa Cooperative Month pinaagi sa Huwarang Kooperatibang Butuanon Culmination Activity, sa Almont Inland Resort and Convention Hall, miaging semana. Gitambungan ang aktibidad nila Konsehal Cromwell Nortega isip Committee Chairperson sa Committee on People Participation and Cooperatives, City Cooperative Development Council kun CCDC, ug managlahing kooperatiba sa syudad. Sa mensahe nga gipaabot ni Konsehal Nortega ang mga kooperatiba kinahanglan mo adapt na sa moderno nga paagi para mahimong innovative ang pagpadagan sa kooperatiba para mas daghan pa nga tawo ang ma serbisyohan. Daghan sab nga mga premyo ang gi-andam para sa mga kooperatiba pinaagi sa raffle draw asa dunay nakadaog og bugas, payong, ug uban pa. Ang aktibidad gipangunahan sa City Economic and Business Development Department kun CEBDD.