Gipagawas sa City Disaster Risk Reduction and Management Department kun CDRRMD ang datos nga ilang nakolekta human sila makaresponde sa mga nahitabong aksidente sa syudad miaging bulan. Base sa datos, anaa sa 81% ang nahitalang aksidente sa syudad nga ang rason human error o sayop sa drayber. Anaa sa human error ang mga driver nga lunod sa ilimnong makahubog, lost control, reckless driving ug over speeding. Sunod niini ang pedestrian crossing nga dunay 6%, animal crossing 5%, ug road condition nga 8%. Gibutyag sab sa CDRRMD nga daghan ang nahitabong aksidente sa mga barangay sa syudad nga gilangkuban sa Barangay Baan Km. 3, Bancasi, Doongan ug Barangay Libertad nga dunay natalang unom ka aksidente miaging bulan. Mihangyo karon ang buhatan ngadto sa mga drivers ug motorista sa kanunay nga pag amping ug pagsunod sa balaud trapiko aron malikay sa bisan unsa nga disgrasya lakip na sab nga batasanon ang pagsusi sa sakyanan o kaha motor adisir pa mo byahe. Padayon ang himoun nga interbensyon sa nasangpit nga buhatan aron makunhuran ang ihap sa mga disgrasya sa syudad subay na sab sa mandato ni City Mayor Ronnie Vicente Lagnada nga mahimong "safe city" ang dakbayan.