Gipasidunggan na sa lokal nga panggamhanan sa Butuan sa pagpanguna sa City Tourism and Cultural Affairs Department ang mga midaug sa Tourism Photo Contest. Napiling champion ang entry ni Ian Geovan Segovia nga Sumile Monkey Sanctuary. Gitunol mismo ni Vice Mayor Lawrence Fortun ang plaque, certificate ug cash award sa mga winners. Finalist sab ang entry ni Stephen Dabi Cuartero nga ECRJ Dragon Fruit ug ni Ian Geovan Segovia nga Banza Church Ruins. Samtang, nakadawat sa consolation prize ang entry nila Ronel Trujello nga The Allure of Delicacies, Dennis Jose Malazarte nga Mt. Mayapay, Stephen Julin nga Agusan River, Michael Licup nga Balangay Building Site, ug Estephen Ordona nga Bood Promontory and Ecopark. Ang kalihukan alang sa pagpalapad sa promotion sa tourism industry sa dakbayan sa Butuan nga nakasentro sa history, kultura ug heritage sa Butuanon.