Gisugdan na ang hugot nga implementasyon sa Transportation and Traffic Management Code 2023 sa dakbayan sa Butuan. Sa gipahigayong Media Forum sa City Transportation and Traffic Management Department kon CTTMD miaging semana, gihisgutan ang City Ordinance No. 7026-2023 o ang “Transportation and Traffic Management Code of 2023.” Gipasabot ngadto sa mga media partners ang ka mahinungdanon ug unsa ang mga nakalatid sa City Ordinance No. 7026-2023. Pinaagi niini mas mapasabot ug mapaabot sa publiko ang accurate ug timely nga impormasyon ngadto na sa publiko. Epektibo ug anaa na sa full implementation ang nasangpit nga code niadtong Abril 1, 2024. Magsugod na ang enforcement sa Parking, Stopping, ug Waiting regulations sa syudad. Nakalatid sa code ang mga angay sundon aron makonhuran ang traffic challenges, road safety, ug malungtoran nga transportation infrastracture sa syudad. Tinguha sa lokal nga panggamhanan sa pagpanguna ni Butuan City Mayor Ronnie Vicente Lagnada pinaagi sa CTTMD nga ang nasangpit nga ordinansa ug implementasyon sa bag-ong transportation ug traffic management code, mag silbi nga tubag sa mga panginahanglanon sa kadalanan sa syudad.