Nagpahigayon ang City Social Welfare and Development Department og usa ka Art Therapy Session sa mga kabataan sa Home for Boys isip usa sa mga intervention program sa buhatan. Pinaagi sa Art Therapy Session maka express ang mga kabataan sa ilang kaugalingon, sa mga problema nga ilang giagihan, ug sa mga ilang gihuna-huna. Usa dayon ka processing session ang gipahigayon nga gipangunahan sa Center Head na si Ryl Lyron Patayan, RSW. Gitagaan og oportunidad ang mga kabataan nga ipasabot ang ilang gibuhat nga obra. Gihatagan sab ang mga kabataan og unsaon pagpalambo sa mga ideya, mga plano, ug hilabina ang ilang mga pamatasan. Lakip sab sila gigiyahan og nagkadaiyang values nga makatabang sa nagpadayon nila nga rehabilitasyon. Gihingusgan sa lokal nga panggamhanan sa pagpanguna ni Butuan City Mayor Ronnie Vicente Lagnada nga mas komprehensibo ang buhaton nga interbensyon sa mga aktibidad para sa rahabilitasyon sa mga kabataan sa Home for Boys.