Gipasigarbo sa usa ka Vegetable Farmer ang iyang mga tanum nga high value crops nga gilangkuban highland nga mga gulay sama sa Chinese Pechay, Cauliflower, Broccoli ug Repolyo. Ang vegetable farmer nga si Jovanie Samosino usa sa nakabenipisyo sa Agriboost Project sa lokal nga panggamhanan sa Butuan. Usa sab siya sa nakasalmot sa Farmers Field School kun FFS sulod sa lima ka bulan ug uban pang technical trainings nga gipangunahan sa City Agriculture and Veterinary Department ug ubang ahensya ug stakeholders. “Tungod sa pag encourage sa agriboost ug City Agriculture sa amo nga motanum aning mga highland nga gulay kay suitable sa among area tungod taas ang elevation unya bugnaw pod diri mao nang suitable gyod diri ang mga highland nga mga varieties kaning Chinese pechay, broccoli, cauliflower ug repolyo,” pahayag ni Jovanie Samosino, Vegetable farmer. Nakabenipisyo sab kini sa mga farm inputs sama sa seeds, fertilizers, ekipo ug uban pang materyales nga magamit sa pag uma. “Daku kaayo ang tabang sa among mga farmer ang agriboost project sa farm inputs sama sa seeds, fertilizer ug ubang gamit naa gyod suporta labi na sa mga farmers nga didto gyod gabaligya sa agrihub.”dugang pahayag ni Jovanie Samosino. Sumala ni Samosino daku ang kabag-uhan sa kinabuhi sa iyang pamilya sukad niabot ang Agriboost Project tungod duna nay Agrihub nga kabaligyaan sa iyang mga abot nga dunay maayong presyo. Alang niini, kaya na niyang magbinulan og usa ka multicab nga magamit sa pagbyahe sa iyang abot ug nakapamalit na kini og gamit sa iyang panimalay ug nakapa skwela sa iyang anak sa pribadong unibersidad. Nakapalit sab kini og makinaryas aron magamit sa proseso sa abaca alang sa iyang dugang kita. Nag expand na sa iyang area si Samosino tungod sa nagkadako sa demand ug iyang gikometar nga supply sa gulay sa Agriboost Project. “Karon makasuhol nako og tag siete mil ang semana tungod sa pag expand sa area kini tungod sa agriboost.” Kaniadto nagtanum lamang si Samosino og talong, pipino, paliya, opo, atsal ug kamatis. Apan karon duna na kini upland nga tanum nga gulay ug apil usab bagyo beans. Nagpasalamat og dako si Samosino sa tanang nagpaluyo sa agriboost project ilabina kang Mayor Ronnie Vicente Lagnada nga mao ang naningkamot aron mahatag sa mga mag-uuma ang tanang suporta nga gikinahanglan.