Gi-aprobahan na ni Mayor Ronnie Vicente Lagnada ang Heavy Equipment ug Cargo Vehicles Re-routing Ordinance o City Ordinance no. 6836-2023. Kini ang direktang pagmando sa tanang Heavy Equipment ug Cargo Vehicles nga misobra sa 15 tons ang gross weight sa pag agi lamang sa Diosdado Macapagal Bridge padulong ug gikan sa city proper sa Butuan o muagi sa ubang alternatibong dalan sa syudad. Ang tanang heavy equipment ug cargo vehicle hugtanong gidid-an sa pag agi sa Magsaysay Bridge ug sa viaduct aron malugwayan pa ang lifespan sa tulay. Ang mga behikulong gidid-an sa pag-agi sa Magsaysay Bridge mao ang Six-wheeler loaded cargo trucks with gross weight nga mulabaw sa 15 tons, Ten-wheeler trucks, Trailer trucks, Pay loaders, graders ug uban pang heavy equipment vehicles nga misobra sa 15 tons ang kabug-aton. Samtang alang sa seguridad sa tanan nakalatid usab sa ordinansa ang hugtanong pagdili sa mga tricycle for hire sa pag-agi sa Macapagal Bridge sa bisan unsang oras gawas lang kong anaa sa extreme circumtances sa kinabuhi, health, proteksyon sa kabtangan ug uban pang hulga. Gidid-an sab ang pag parking sa tanang klase sa behikulo sa Diosdado Macapagal Bridge, Old Magsaysay Bridge ug viaduct. Gitahasan ang LTTMO ug BCPO sa pagpatuman sa ordinansa ug pagbutang og traffic signs sa NRJ sa Barangay Tiniwisan sa East, Barangay Libertad ug Villa Kananga sa West sa Butuan City ug uban pang bahin sa syudad alang sa impormasyon ug guidance sa tanang heavy vehicle drivers. Sa unang paglapas dunay penalty nga 1,500 ikaduhang paglapas 3,000 pesos ang penalty, ang ikatulo 5,000 pesos ang penalty ug sa ikaupat ug succeeding nga paglapas mapasakahan na og kaso sa korte. Kini nga ordinansa gipangunahan ang pagpangamahan nila City Councilor Vincent Rizal Rosario,Ehrnest John Sanchez, Cromwell Nortega, Reynante Desiata,Cherry May Busa, Gemma Tabada ug John Gil Unay uban sa suporta ni Vice Mayor Lawrence Fortun.