Usa ka Health Wellness Forum ang gihatag sa pipila ka mga Senior Citizen agig pagsaulog sa Elderly Filipino Week, miaging semana sa Butuan Doctors’ Hospital, ning syudad. Managlahing mga topics ang nakat-unan sa mga Senior Citizen nga pwede nilang mabuhat bisan sa ilang mga panimalay ug lakip sab ang mga serbisyo ug programa nga ilang pwede makuha. Nahimo sab nga mga speakers ang mga professionals sa medical care. Gihisgutan ang Personal Journey on Health and Wellness; Philhealth KonSulTa Program; Universal Health Care; Primary Care Health Benefits; Shoulder Pain: The New Rehab Approach and Modalities; Chair Yoga for Seniors; ug Body Mechanics & Proper Lifting Techniques. Atol sab sa kalihukan libreng nakakuha og Targeted Radiofrequency Therapy and complementary rehab consultations ang mga senior citizens. Labing gikalipay sa mga Senior Citizen tungod kini nga kalihukan naghatag kanila og importansya ug mas mahimong aktibo sa ilang pang adlaw-adlaw nga gimbuhaton. Nagtambayayong ang mga personahe sa Butuan Doctors’ Hospital PT/Rehab Department, Dr. RJ Villanueva, Dr. Mary Joy Joyohoy-Rona ug ang Office for the Senior Citizens' Affairs-Butuan City.