Gibisita sa City Health Department kon CHD ang mga nagkadaiyang barangay ug eskwelahan sa syudad aron na sa pagpahigayon og Healthy Young Ones Symposium sa mga kabatan-onan. Ang kalihukan naghatag og kaalam sa mga estudyante kalabot na sa Puberty, Reproductive Health, SOGIE, HIV/AIDS Awareness, ug Mental Health Awareness. Gihingusgan karon sa CHD nga informed ug healthy ang life choices sa mga kabatan-onan sa syudad. Pinaagi sa Healthy Young Ones Symposium makabalo ang mga estudyante sa importansya sa pagsabot, pagdawat, ug pag-atiman sa kaugalingon. Sa ulahing adlaw sa pagbisita sa CHD, nahimong resource speaker ang usa ka Psychiatrist nga si Dr. Bernardo Conde diin gipasabot niini ang Adolescent Health. Padayon ang CHD sa pagtan-aw sa kinatibuk-ang estado sa mga estudyante sa syudad. Dili lang ang pisikal nga kalawasan apan apil ang mental nga kapasidad sa mga estudyante sa syudad.