Gikalipay sa mga residente sa Barangay Baan Km3 ning syudad nga sementado na ilang dalan. Sumala ni Gaga Alibando, dili na magkalapok ang iyang mga anak kung mubaktas padulong sa eskwelahan ug hayahay na usab ang ilang pagsakay sa pampasaheroang motor tungod wala nay masinati nga libaong. “Nalipay kaayo mi nga nasemento kay dili na lisod kay wala nay lubak lubak ang kalsada unya dili na labayan og basura. Karon hapsay na wala nay basura nga makita unya hanutoy napod ang agi sa mga sakyanan kay nindot naman ang kalsada. Nindot na kaayo among dalan dili na magkalapok,” Sumala ni Gaga Alibando. Caretaker sa humayan si Alibando kauban iyang bana. Mipaabot kini sa iyang pasalamat kang Punong Barangay Gemma Tabada, Mayor Ronnie Vicente Lagnada, Vice Mayor Lawrence Fortun ug Congressman Jose Aquino II nga naningkamot aron makabaton og sementadong dalan ang Baan Km3.