Gilusad kagahapon ang Fine Arts “Had: Butuanong Hinang” Exhibition sa National Museum of the Philippines ning syudad. Gipa ila-ila sab dinhi ang mga local artists ug nagpahigayon og tour sa mga nakadisplay nga art works sa museum. Tinguha sa programa ang pagpromote ug pagpreserba sa kultura ug heritage sa syudad sa Butuan. Usa kini ka nationwide nga kalihukan asa makita ug nakadisplay sa National Museum of the Philippines ang talagsaong mga obra sa mga Butuanon artists hangtud sa katapusan sa bulan sa Disyembre. Sa mensaheng gipadala ni Mayor Ronnie Vicente Lagnada pinaagi ni CTCAD Head Richard Dian Vilar kini nagkanayon, “With our rich history we couldn’t allw art to fail in this city, This Museum is not only a legacy for Butuan but also a big part of humanity’s shared heritage showcasing both its greatest achievements and deepest struggles. We are honored to have such talented artists in our community whose works can amplify untold stories, fill educational gaps, and leave a lasting legacy for Butuan and beyond.” mensahe ni Mayor Ronnie Vicente Lagnada. Mipaabot sa dakung pasalamat sila Arvin Manuel Villalon, Director ll Mindanao National Museum, Djajarah Zairelahar Batiao, OIC National Museum Butuan ug Arlyn Torralba Chairperson BCCHA Visual Arts Committee kang Mayor Ronnie Vicente Lagnada tungod sa suporta niini sa local artist nga mas nadasig pang ipakita ang mga obra nga nagpakita sa refelection sa syudad sa Butuan. Misuporta niini si DOT Caraga Regional Director Ivonnie Dumadag, DTI Caraga ARD Brenda Corvera, DepEd ug Academe. Nagtinabangay ang lokal nga panggamhanan sa Butuan pinaagi sa City Tourism and Cultural Affairs Department CTCAD, National Museum of the Philippines, Department of Tourism Caraga ug Department of Trade and Industry Caraga sa nasangpit nga exhibit.