Gipangunahan ni DILG Secretary Benjamin "Benhur" Abalos, Jr. ang gipahigayon nga Groundbreaking Ceremony sa konstruksyon sa Butuan Central Police Station Building sa Barangay Villakananga ning syudad kagainang buntag. "Development and peace and order they go together. If peace and order is bad I'm sure the development will be very slow. If not worse, no development at all. Kaya they go together,” pahayag ni DILG Secretary Benjamin Abalos Jr. Daku ang pasalamat ni PRO 13 Regional Director PBGen Pablo Labra II kang City Mayor Ronnie Vicente Lagnada sa paghatag og higayon nga dunay katumanan ang pagpatukod sa Butuan Central Police Station Building. Iya sab gihagit ang kapulisan sa paghatag og kalidad nga serbisyo sa syudad sa Butuan labi na sa pagpakgang sa iligal nga droga para luwas ug wala nay ugat sa krimen sa syudad sa Butuan. Paagi kini isip pasalamat sa walay puas nga suporta sa LGU-Butuan sa mga kapulisan dinhi sa syudad. "As leaders and advocates, it is our responsibility to safeguard the well-being of our people, to protect our youth from the allure of drugs and to provide support and rehabilitation to those affected by addiction.” mensahe ni Mayor Ronnie Vicente Lagnada pinaagi kang Konsehal Ehrnest John Sanchez. Sa mensahe nga gipaabot ni City Vice Mayor Lawrence Lemuel Fortun pinaagi ni Konsehal Vincent Rizal Rosario nga ang pagpatukod og bag-o nga police station dakung tabang sa mga kapulisan sa ilang mga operasyon para sa mga Butuanon. Ang Butuan Central Police Station Building nga nahimutang sa Barangay Villa Kananga dugay na nga vision ni City Mayor Lagnada lakip na ang Command Center para sa dali nga pag responde sa emerhensiya. Gilauman nga mahuman ang proyekto karong Nobyembre ning tuiga. Anaa sab ang presensya sa groundbreaking ceremony ang mga Konsehal sa dakbayan, Atty. William Christian Dela Cruz isip representante ni Congressman Jose Aquino II, OIC Director DILG Caraga Engr. Donald Seronay, DILG City Director Charissa Guerta, DILG BLGS Director Debie Torres, Butuan City Police Office City Director PCOL Marco Archinue, Liga ng mga Barangay President Gemma Tabada ug mga Punong Barangays sa nagkadaiyang barangay sa syudad.