Nanguna sa hisgutanan sa natigayong Liga Meeting miaging semana ang ipahigayong COMELEC Forum karong Septyembre 8, Biyernes. Kini aron magiyahan ug mapasabot sa guidelines sa Comelec ang mga magpapili sa Barangay ug Sangguniang Kabataan Elections karong umaabot Oktubre 30 ning tuig. Ang panagtigum gipangunahan ni Liga ng mga Barangay President Gemma Tabada ug aktibong gisalmutan sa mga nagkadaiyang punong barangay sa syudad alang sa pagpalambo sa pagpanerbisyo sa katawhan sa matag barangay. Gawas sa COMELEC Forum apil sab nahisgutan ug giaprobahan ang liga annual budget ug ang mga giduso nga resolusyon ug ordinansa sa mga barangay asa suportado ni Mayor Ronnie Vicente Lagnada.