Gidagsa sa mga residente sa Barangay Nong-nong ning syudad ang PuroKalusugan nga dala sa Department of Health - Caraga katambayayong ang lokal nga panggamhanan pinaagi sa City Health Department kon CHD. Ang PuroKalusugan usa ka programa nga nag hatud og public health services diretso sa mga purok sa barangay. Ang programa naghatag og managlahing mga primary health care services, sama sa Maternal and Child Health; Immunization; Water, Sanitation, and Hygiene; Nutrition; TB and HIV Control; and Non-Communicable Diseases Prevention and Control programs. Nakabenepisyo ang mga residente sa libreng Consultations; Pharmacy services; X-ray exams; Laboratory services; Dental care; Water, Sanitation, and Hygiene (WASH) education; VIA (Visual Inspection with Acetic Acid) screenings; Maternal health services; ug Nutritional assessments. Lakip sab nga gihatag sa mga pre-identified nga mga residente ang Jerry cans, Buntis Kits, ug Hygiene Kits. Labing gikalipay sa konseho sa barangay kauban ang mga residente niini tungod sa pag-abot sa nasangpit nga programa sa ilang barangay ug nag cater sa tanang sektor nga mahatagan og serbisyong medikal. Gawas sa Barangay Nongnong bisitahon sab sa PuroKalusogan Barangay Tagabaca, ug Barangay Don Francisco. Gilauman ang liboan nga mga residente ang makabenipisyo sa nasangpit nga programa.