Nagpahigayon og libreng konsultasyong medikal ug dental services ang City Health Department pinaagi sa mga main health centers niini nga gilangkuban sa Libertad Main Health Center, Obrero Main Health Center, Ampayon Main Health Center, ug Bilay Main Health Center, kaganinang buntag sa City Hall Lobby. Gitanyag ang mga Laboratory Services sama sa HIV Testing; FBS/RBS; Cholesterol; Uric Acid; CBC; Blood Typing. Lakip na ang pagparehistro sa Philhealth E-Konsulta ug Tooth Extraction. Anaa sa 107 ka indibidwal ang nakaparehistro sa PhilHealth E-Konsulta; 16 ka individual ang nagpa HIV Testing; 75 ang nagpa FBS/RBS; 33 ang nagpa check sa Cholesterol; 5 nagpa check sa Uric Acid; usa ang nagpa CBC; ug niabot sa 42 ka inidibidwal ang nagpa Blood Typing. Niabot sab sa 27 ka indibidwal ang naibtan og ngipon sa gipahigayong libreng ibot sa ngipon. Ang kalihukan subay sa kasaulogan sa 2025 National Women’s Month Celebration ning bulana.