Nipailawom sa Learner's Career Pathway ang mga partisipante sa Development Academy of the Philippines - Alternative Learning System - Education and Skills Training sa Butuan Central Elementary School Covered Court, Biyernes. Gipasabot sa resource speaker gikan sa Department of Social Welfare and Development kun DSWD, Commission on Higher Education kun CHED, ug Technical Education and Skills Development Authority kun TESDA ang ilang mga programa nga pwedeng kuhaon sa mga bag-ong ni gradwar nga mga ALS-EST aron makabaton sila og trabaho. Malipayon nga gipaabot ni Konsehal Cherry May Busa ang iyang mensahe labi pa nga duna na sab laing batch nga nagmalampuson sa programa. Lakip na nga dunay gikan sa Home for the girls ug Muslim community. Kahinumdumang migradwar ang mga partisipande niadtong Marso 6, 2023. Gipangunahan ang aktibidad sa Department of Education kun DepEd kauban ang Lokal nga Panggamhanan sa Butuan pinaagi sa City Education, Literacy, and Scholarship Office kun CELSO sa pagpanguna ni Rosalito Libres, CELSO Head, ug anaa sab si Atty. William Christian Dela Cruz isip representante ni Congressman Jose Joboy S. Aquino II.