Gisugdan kaganinang buntag ang Job Fair 2024 sa Almont Inland Hotel and Convention nga gipangunahan sa Department of Labor and Employment kun DOLE kauban ang Public Employment Service Office kun PESO. Mokabat sa gatusan ka job vacancies ang gitanyag sa local ug overseas employers. Gi-awhag sab ni DOLE Regional Director Atty. Joffrey Suyao, CESO III ang mga employers sa pag hire sa mga job seekers para mahatagan na sila og trabaho. Samtang gipaabot sab ni Konsehal Arturo Gado ngadto sa mga job seekers ang pag hatag sa ilang best para ma hire sila sa ilang gi-applyan. Ang kasaulugan sa 122nd Labor Day wala nag pokus lang sa Job Fair kundi duna sab Kadiwa ng Pangulo, TUPAD Distribution ug GIP Distribution. Anaa sab sa kalihokan ang DTI, Philippine Army, DOT, ug uban pang Government Agencies. Sa mga nangita og trabaho, gi-awhag sa pag-apil sa Job Fair 2024 dinhi sa Almont Inland Hotel and Convention.