Personal nga gitunol ni Konsehal Joseph Omar Andaya ang medal ngadto sa mga estudyante sa Elementary, Junior ug Senior High School Awardees atol sa Gawad Galing at Talino Awarding Ceremony nga gipahigayon sa FSUU Gym, miaging semana. Gilangkuban sa kategoryang Gawad Talino ug Outstanding Butuanon Pupil Awardees ang nasangpit nga programa. Ang Outstanding Butuanon Pupil and Students Top 1-5 nakadawat og 10,000 pesos, plaque ug medal, ang Top 6-10 Outstanding Butuanon Pupils and Students (finalist ug semi-finalist) nakadawat og tag 5,000 pesos ug medal, ang Top 11-15 nakadawat og tag 2,500 pesos ug medal. Samtang ang Gawad Galing Awardees Public and Private nakadawat og 1,000 pesos ug medal. Ang pag hatag og medalya ug insentibo ilawom sa SP Ordinance No. 5516-2018, SP Ordinance No. 5380-2017, ug SP Ordinance 5503-2018 nga padayon nga gihingusgan aron mahatagan og kadasig ang mga estudyante sa pag paningkamot sa ilang pag eskwela para sa maayong kaugmaon.