“Napakahalaga na matuto ng negosyo ang mga bata dahil nakakatulong ito at naka augment ng income sa isang pamilya kasi walang edad ang pag ne-negosyo kahit mga minors pwede silang mag engage sa negosyo at malaking tulong din ang negosyo sa mga pamilya.” Sumala ni Vice President Sara Duterte, atol na sa iyang pag bisita sa syudad. Personal nga gibisita ni Vice President Sara Duterte ang Sta. Cruz Elementary School sa Barangay Manila De Bugabus aron sa pormal nga paglusad sa Garden to Table School Business Model. Nagpahigayon sab si VP Duterte og ceremonial harvesting farm produce sa nasangpit nga eskwelahan ug labing gikalipay niya nga naka pilot ang nasangpit nga tunghaan sa programa. Ang business model sa Sta. Cruz Elementary School para sa Garden to Table nga programa ang napili nga representante sa syudad para na sa Go Negosyo: Pampaaralang Taniman ng mga Agribida nga usa ka inisyatibong programa sa opisina ni VP Duterte. Nag unang tumong sa programa ang pagpananom sa mga eskwelahan aron sa pag produce sa masustansyang gulay ug prutas nga ihatag sa mga malnourished nga bata sa komunidad. “Dahil napa kalaki ng potensyal ng agrikultura dito sa Pilipinas lalong-lalo na sa atin dito sa Mindanao and ang pagpapalakas ng ating agrikultura ay patungo sa food security natin dito sa ating bansa at mag papababa din nang presyo ng pagkain” Dugang ni VP Sara Duterte. Pinaagi sab sa maong programa matudloan ang mga kabataan sa entrepreneurship. Maka hatag sab kini og alternative career sa umaabot nga panahon. Dako ang suporta sa Department of Education kon DepEd-Caraga sa programa ug mipasalig sab ang mga personahe sa Sta. Cruz Elementary School nga dili muhunong ang nasangpit nga programa aron padayon nga maabagan ang malnutrisyon sa komunidad. "Continues nga contact nato sa atong Barangay Council, sa Local School Board, ug sa mga GPTA sa school, kay kong kami lang ang saligan dili namo kaya. So ma tap mi ana. Aside pa ana mo tap mi sa AgriBoost" Sumala ni Ramon Arguellas, School Head sa Sta. Cruz Elementary School.