Abli na sa publiko ang Garbo 4 A Group Art Exhibition nga gipangunahan ni Acting Department Head City Tourism and Cultural Affairs Department Richard Dian Vilar ug SK Federation President Joseph Morcilla sa North Atrium Robinsons Place Butuan. Kini na ang ika upat nga hugna sa Garbo nga gisugdan niadtong tuig 2021. Makita ang mga nagkadaiyang art work sa mga artist gikan sa Butuan ug Caraga. Sa mensahe ni Butuan City Council, Heritage and Arts-Visual Arts Committee Chairperson Arlyn Torralba, gihimu kining Garbo Exhibit sa mga artist aron ipakita ug ipasundayag ang tagsa nilang mga talento. Gi-awhag ang katawhan sa pag bisita sa exhibition ug nagpahinumdum nga dili hikapon ang art works. Ang Garbo 4 A Group Art Exhibition subay sa kasaulugan sa Balangay Festival 2024.