Dagsa ang mga estudyante sa 3rd floor level event center sa SM City Butuan sa natigayong pag abli sa GARBO. Usa kini ka exhibit nga nagpakita sa mga artistic pieces sa mga artist gikan na sa Caraga Region. Tumong sa kalihukan nga mapasundayag ang mga maanindot nga artwork sa mga artist lakip na pagtulun-an sa ilang artwork. Adunay 30 ka partisipante ang nisalmot sa GARBO the 3rd BCCCHA-VAC Art Competition and Exhibition. Ang kalihukan kabahin na sa Balangay Festival 2023 ug gipangunahan sa Butuan City Council for Culture, Heritage, and Arts - Visual Arts Committee. Molungtad ang exhibit hangtud Hunyo 29 ning tuiga.