Gipakita sa taga City Disaster Risk Reduction and Management Department kun CDRRMD ang Full Simulation nga gipahigayon sa Barangay Baan Km. 3, Nobyembre 6. Ang insidente, mass casualty incident—multiple vehicle collision. Gi-obserbaran sa validators ang pag responde gikan sa Barangay level, communication, coordination ug ang kahanas ug ka pokus sa mga responder sa tukmang sitwasyon. Gi-apilan kini sa Barangay ALIMAT sa nasangpit nga Barangay, kapulisan, taga Bureau of Fire Protection-Caraga, ARMY, Volunteers, ug uban pa. Usa lang ang Full Simulation nga basehan sa mga validators para sa gihimo nga validation sa 24th National Gawad KALASAG Special Awards for Disaster Risk Reduction and Management and Humanitarian Assistance under the Government Emergency Response Management Team Advanced Category.