Gitutukan sa City Business Permit and Licensing Office kon CBPLO ang full automation sa pagproseso sa Business permit. Gani, daghang mga lakang ang gipahigayon sa CBPLO sa pagpahigayon sa mga nagkadaiyang coordination meeting sa mga partner nga opisina ug ahensya aron sa hapsay ug dali nga collection sa Fire Code ug Barangay Business Clearance fees ngadto na sa opisina sa CBPLO. Mihangyo si Liga ng mga Barangay President Gemma Tabada sa assistance sa opisina sa CBPLO aron na sa standardization sa bayad sa Barangay Business Clearance nga mahisubay sa Issuance of Barangay Business Clearance. Gawas sa pakigkita sa Liga ng mga Barangay President, usa usab ka workshop para sa uniform rate sa Barangay Business Clearance gamit ang Bureau of Local Government Finance toolkit. Luyo niini, usa ka Memorandum of Agreement sab ang napahigayon tali na sa CBPLO ug Bureau of Fire and Protection para sa integration sa bayad sa Fire Code ngadto na sa system sa CBPLO. Suportado usab ang digitalization sa opisina sa City Accounting Office (CAcO), City Treasurer's Office (CTO), City Information and Communications Technology Office (CICTO), ug sa Bureau of Treasury (BTr) asa mihatag ang mga opisina sa ilang mga inputs ug rekomendasyon. Buot ni Butuan City Mayor Ronnie Vicente Lagnada nga masunod sa lokal nga panggamhanan sa Butuan ang digitalization sa systems ug procedures sa pag proseso sa business permit applications nga compliance sa Republic Act 11032 o ang Ease of Doing Business Law.