Dagsa ang mga mamalitay sa nakadisplay nga mga local produce o fresh locally grown vegetable nga produkto sa Agriboost sa City Hall Lobby ning syudad sa Butuan sugod kaganinang buntag. Sumala ni Christopher Ariola bentaha kini sa mga empleyado sa City Hall tungod dili na maghago pa nga muadto sa merkado aron mupalit og mga gulay ug panakot. Gawas nga nakapalit og presko ug organic nga otanun natabangan pa ang mga mag-uuma nga mahalin ang ilang produkto. Mapalit ang mga gulay hangtud lamang alas singko karong adlawa samtang ang dili na makaabot mamahimong muadto na lamang sa Veggie Fresh Storefront nahimutang sa Tabuan area.