Nagpatuman og Forced Evacuation ang Lokal nga Panggamhanan sa Butuan pinaagi sa City Disaster Risk Reduction and Management Department kauban ang managlahing ahensya sa gobyerno ug barangay opisyales kagabie, sa mga residente sa Barangay Buhangin ning syudad nga apektado sa pagbaha. Miabot na sa 3.1 meters ang lebel sa tubig sa Agusan River sukad alas dose sa tungang gabie hangtud na alas sais kagainang buntag. Base sa record sa City Social Welfare and Development Department kun CSWDD niabot na sa 3,263 ka pamilya o 10,043 ka indibidwal ang apektado sa pagbaha gikan sa 23 ka Barangay sa syudad. Kini base sa tala sa CSWDD alas kwatro ning hapon. Nihangyo ang Lokal nga Panggamhanan sa Butuan sa mga residente nga doul sa suba ug apektado sa pag baha sa pagpaminaw sa mando sa pag bakwit para luwas ang kaugalingon ug ang pamilya. Alang sab sa flood ug disaster related concerns, mamahimong mo tawag sa Butuan CDRRMO Emergency Operation Center sa numerong 09513877123.