Nagmalampuson ang natigayong tulo ka adlaw nga workshop sa Balangay Film Festival o Film Lab ug ang usa ka adlaw nga Theater Orientation Workshop sa Almont Inland Resort, miaging semana. Sa Film Lab nahimong Resource Speaker ang Script Writer sa Bangsamoro nga si Teng Mangansakan sa topic nga Story Development from script to screen, ang Cinematographer, Editor ug Director nga si Arnel Barbarona sa topic nga Finding your voice as a Film maker ug si Director Drix Reyes sa Mastering Post-Production. Gitambungan kini sa mga estudyanteng artist ug mismong mga film makers ug local artist. Gitinguha sa aktibidad ang pagpromote sa creatives sa rehiyon asa nanguna nga ipromote niini ang tourism sites sa syudad sa Butuan. Kini nga kalihukan kabahin sa Balangay Independent Film and Theater Festival sa pakigtambayayong sa lokal nga panggamhanan sa Butuan pinaagi ni Mayor Ronnie Vicente Lagnada, Department of Trade and Industry Caraga, ICT Caraga pinaagi ni City Councilor Cherry May Busa uban ni Festival Director Junlou Tordos.