Malampuson nga napahigayon ang FIFA Football for Schools Capacity Building Workshop nga gipangunahan sa Butuan-Agusan Norte Football Association kun BANFA sa Polysports Complex, Barangay Tiniwisan ning syudad, adlawng Sabado. Gipartisiparan ang aktibidad sa mga magtutudlo ug mga coaches gikan sa elementary schools sa Butuan City Division, Cabadbaran Division, Agusan Del Norte Division, RTR CES, ug Agay NHS. Gilangkuban ang capacity building workshop sa diskusyon kalabot na sa pag integrate sa football sa mga tunghaan gamit ang tool education and youth empowerment. Gawas niini, nahatagan sab og higayon ang mga partisipante sa hands-on training lakip na nga matun-an ang mga paagi sa pag tudlo sa football nga alayon sailang teaching methodologies. Nakadawat sab ang mga partisipante og certificate ug 20 bola sa football para masiguro nga dunay insaktong resources para pag implementa sa programa. Nahimong malampuson ang aktibidad sa pagpanguna ni Butuan City Vice Mayor Lawrence Lemuel Fortun nga BANFA President ug First Vice President of the Philippine Football Federation, kauban sila Schools Division Superintendents Minerva Albis, Ph.D, Butuan City Division, Imelda Sabornido, Ph.D, Cabadbaran City Division. Ang FIFA Football for Schools Capacity Building Workshop gibuhat aron ma promote ang grassroots football sa syudad sa Butuan City ug Agusan Del Norte lakip nga ma empower ang mga magtutudlo sa insaktong tools ug initiatives para masiguro nga makabenepisyo ang mga kabatan-onan sa football na isports.