Nagpahigayon og field visitation ug monitoring ang mga personahe sa City Agriculture Office ug Department of Agriculture-Caraga sa 600 hectares nga Hybrid Rice Technology Demonstration Sites sa Barangay Baan Km3, Aupagan, Lemon, Pigdaulan ug Tagabaca ning syudad. Kini aron makasigurong naabot ang pagpataas sa adoption sa hybrid rice technology. Subay niini, gipaningkamutan sa lokal nga panggamhanan sa Butuan pinaagi sa City Agriculture Office nga gitahasan ni Mayor Ronnie Vicente Lagnada uban sa DA-Caraga nga padayong mahatagan sa tukma ug malungtarong suporta ang mga Rice Farmers pinaagi sa kalidad nga farm inputs sama sa rice seeds ug fertilizers ingon man technical assistance, monitoring ug advisory extension services aron makab-ot ang tinguhang rice self-sufficiency na ang syudad sa Butuan.