Mapasalamaton ang mga residente sa Barangay Bitan-agan ning syudad nga nakaabot ang farm-to-market road project sa barangay. Kini gipunduhan sa DILG pinaagi sa National Task Force- End Local Armed Conflict kun NTF-ELCAC nga gipatuman sa City Engineers Office ilawom sa Local Government Support Fund-Barangay Development Program tungod dili na maglisod ang tanan sa pagbyahe kada adlaw. Nanghinaut usab ang mga residente nga masemento na ang tanang dalan sa barangay aron dili na makasinati sa kahasol labi na kung kusog ang ulan. Mipaabot sab sa dakong pasalamat ang mga opisyales sa Barangay Bitan-agan sa pagpanguna ni Punong Barangay Ricardo Magpatoc sa kadumalahan ni Mayor Ronnie Vicente Lagnada gumikan sa dakong kausaban sa barangay.