Gibisita sa mga Validators sa 2024 Seal of Good Local Governance kun SGLG ang evacuation area sa Barangay Pangabugan ug Barangay Baan Km. 3 kagahapon sa buntag. Gipangunahan ni DILG - Province of Misamis Occidental PD Pablio Benitez Jr., ug DILG Region X LGOO II Marvin Hernandez ang pagbisita sa evacuation center. Makita sa Covered Court sa Barangay Pangabugan ang mga tent nga naka set-up kun ugaling gamiton ang lugar nga himoun nga evacuation area. Aduna sab Child Friendly Space, usa ka space sa evacuation area nga makadula ang mga bata. Samtang sa Barangay Baan Km. 3, gitan-aw ang kitchen area, prayer room, breastfeeding room, laundry area, storage room sa mga non-food items nga ipanghatag alang sa mga Internally Displaced Persons kun IDPs. Gitan-aw sab nila ang simulation sa process flow sa pagdawat sa mga IDPs hangtud na sa pag plastar sa ilaha sa evacuation area. Gawas sa Evacuation Area gibisitahan sab ang buhatan sa City Disaster Risk Reduction and Management Department kun CDRRMD asa gipakita ni Acting OIC Mark July Yap ang ekipo sa CDRRMD, operation center ug ang schedule sa mga staff matag adlaw. Ang SGLG usa ka annual assessment nga himoun sa Department of Interior and Local Government kun DILG ngadto sa governance areas sa LGU. Kini nga aktibidad suportado sa Lokal nga Panggamhanan sa Butuan sa pagdumala ni City Mayor Ronnie Vicente Lagnada kauban ang tibouk pwersa sa 16th Sangguniang Panglungsod.