Nakadawat sa Honorable Mention Award ang usa ka estudyante sa Butuan City sa natigayong 4th Philippine International Model United Nations (PHIMUN 2024) sa UP Diliman Institute of Biology, July 12-14. Ang PHIMUN 2024 subay sa temang “Mobilizing Global Citizenship Towards a Future of Collective Stability.” Misalmot si Franceska Gamutan nga nagtungha sa Philippine Science High School – Caraga Region Campus ug nahimung delegado sa France sa elite Committee of the United Nations Security Council. Adunay kinatibuk-ang 180 delegates gikan sa high school, college, ug post graduate students gikan sa nagkadaiyang universities/ institutions sa Luzon, Visayas, ug Mindanao. Mipailawom sila sa tulo ka adlaw nga committee sessions, debating and creating solutions alang sa mga isyu nga dunay kalabutan sa human security – gikan sa proteksyon sa kababaihan ug kabataan sa mga conflict zones aron mamenusan ang mga risgo nga may kalambigitan sa paggamit sa AI sa global security. Sa tulo ka adlaw nga committee sessions, malampusong nakalampus si Gamutan sa mga hagit nga gihatag sa Committee of UN-SC.